લાઠી પંથકમાં જળક્રાંતિ ઝરખડી નદીને ઊંડી ઉતારવા રૂ. 17 કરોડની સૈદ્ધાંતિક મંજૂરી અપાવતા સાંસદ ભરતભાઈ સુતરીયા અને ઘારાસભ્ય જનક તળાવીયા

લાઠી બનશે હવે જળક્રાંતીમાં પણ અગ્રેસર: ઝરખડી નદિનો જીર્ણોઘ્ઘાર
……………………..
લાઠીના ઝરખીયા, અડતાળા, તોડા અને દુધાળા ગામોની જીવાદોરી સમાન ઝરખડી નદીને ઊંડી ઉતારવા માટે સરકારે રૂ. 17 કરોડની સૈદ્ધાંતિક મંજૂરી

અમરેલી જિલ્લાના લાઠી પંથકમાં જળસંચયની દિશામાં એક મોટું પગલું ભરવામાં આવ્યું છે. લાઠીના ઝરખીયા, અડતાળા, તોડા અને દુધાળા ગામોની જીવાદોરી સમાન ઝરખડી નદીને ઊંડી ઉતારવા માટે સરકારે રૂ. 17 કરોડની સૈદ્ધાંતિક મંજૂરી આપી છે. આ નિર્ણયથી સમગ્ર પંથકના ખેડૂતો અને સ્થાનિકોમાં આનંદની લાગણી છવાઈ છે.
………………………….

છેલ્લા ઘણા સમયથી આ વિસ્તારના ખેડૂતો ઝરખડી નદીને ઊંડી અને પહોળી કરવાની માંગ કરી રહ્યા હતા, જેથી ચોમાસામાં વહી જતા વરસાદી પાણીનો સંગ્રહ કરી શકાય અને ઉનાળામાં પાણીની સમસ્યા હળવી થઈ શકે. આ માંગને ધ્યાનમાં રાખીને, અમરેલીના સાંસદ ભરતભાઈ સુતરીયા અને લાઠીના ધારાસભ્ય જનકભાઈ તળાવીયાએ આ પ્રશ્નને સરકાર સમક્ષ જોરદાર રીતે રજૂ કર્યો હતો.
………………………

આ બંને જનપ્રતિનિધિઓની મહેનત અને અથાગ પ્રયાસોને કારણે આ પ્રોજેક્ટને સૈદ્ધાંતિક મંજૂરી મળી છે. રૂ. 17 કરોડના ખર્ચે થનારા આ કામથી નદીની જળસંગ્રહ ક્ષમતામાં અનેકગણો વધારો થશે. આનાથી માત્ર સિંચાઈ માટે જ નહીં, પરંતુ ભૂગર્ભજળ સ્તરને ઊંચો લાવવામાં પણ મદદ મળશે, જે સમગ્ર વિસ્તાર માટે લાંબાગાળે અત્યંત ફાયદાકારક સાબિત થશે.
આ અંગે સાંસદ ભરતભાઈ સુતરીયાએ જણાવ્યું હતું કે, “અમારી પ્રાથમિકતા ખેડૂતોની સુખાકારી છે. ઝરખડી નદી ઊંડી થવાથી આ વિસ્તારના હજારો ખેડૂતોને સીધો લાભ થશે અને કૃષિ ઉત્પાદનમાં વધારો થશે.”
……………………..

ધારાસભ્ય જનકભાઈ તળાવીયાએ પણ આ નિર્ણયને આવકારતા કહ્યું હતું કે, “આ પ્રોજેક્ટથી લાઠીના ગ્રામીણ અર્થતંત્રને નવી ગતિ મળશે. અમે ખેડૂતોની પડખે છીએ અને તેમના હિત માટે હંમેશા પ્રતિબદ્ધ રહીશું.”
…………………………

આ પ્રોજેક્ટનું કામ ટૂંક સમયમાં શરૂ કરવામાં આવશે તેવી આશા છે. આ સમાચારથી સ્થાનિક લોકોમાં ઉત્સાહનો માહોલ છે અને તેઓ આ પહેલને ‘જળક્રાંતિ’ તરીકે ગણાવી રહ્યા છે.
…………………..

અમરેલી જિલ્લા ના સાંસદ ભરતભાઈ સુતરીયા અને લાઠી બાબરા ના ઘારાસભ્ય જનકભાઇ તળાવીયા દ્વારા અમરેલી જિલ્લાના વિકાસ ને લંક્ષમાં લયને લોકો નઈ સુખાકારી ને ઘ્યાને લયને છેવાડાના ગામો સુઘી સરકાર ની યોજનાનો લાભ મળે તે માટે પ્રયત્ન સિલ છે

તમારી આસપાસ બનતી ઘટના ને ટાઈમ્સ વૉચ મા આપવા સંપર્ક કરો
કો – એડિટર :- જયેશ મનુભાઇ મકવાણા
મો. :- ૭૮૭૮૭૫૭૯૭૭